பால் குடம்

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

பங்குனி 25

ஞாயிற்றுக்கிழமை

சிறை காத்த ஐயனார்..

தஞ்சையின் நாயகர்களுள் இவரும் ஒருவர்..

பராசர முனிவருக்கு இன்னல் விளைத்த தஞ்சகன் முதலான  அசுரர்களை ஸ்ரீ பத்ரகாளி கோடி ரூபம் கொண்டு  வதம் செய்தபோது அஞ்சி நடுங்கிய தேவர்களைக் காக்கின்ற பொறுப்பை ஸ்ரீ ஐயனாரிடம் ஒப்படைத்தார் ஈசன்.. 

அசுர வதம் முடிந்த 

பின்னர் தஞ்சபுரீஸ்வர ஆலயத்திலேயே இருந்த ஐயனார் பின்னொரு சமயம் தமது பரிவாரங்களுடன் தற்போதைய இடத்தில் கோயில் கொண்டார்..

ஸ்ரீ தஞ்சபுரீஸ்வர ஆலயத்தில் ஸ்ரீ ஹரிஹர புத்திர ஐயப்பன் என்வும் 

ஸ்ரீ கோடியம்மன் கோயிலில் ஸ்ரீ கல்யாண சாஸ்தா எனவும் சந்நிதி கொண்டிருக்கும் ஸ்வாமி இங்கு பால ரூப ஏக மூர்த்தியாக கோலோச்சுகின்றார்... 

அருகில் ஸ்ரீ விநாயகர், காமாட்சியம்மன்,

உதிர கருப்ப ஸ்வாமி.. கூடவே சப்த மாதர்கள்.. 

பனையடியான், மாமுண்டி கருப்பர், லாட சன்னாசி, காடேறியம்மன், பேச்சியம்மன், பெரியண்ணன், சப்பாணிக் கருப்பர், காத்தவராய ஸ்வாமி,  மதுரை வீரன் என பரிவார மூர்த்திகள்..

ஐயன் சிறை காத்த செல்வனுக்கு வருடாந்திர பால் குட வைபவம் பங்குனி 18 ஞாயிறன்று (31/3) வெகு சிறப்பாக நடைபெற்றது..

வைபவத்தின் சில காட்சிகள் இன்றைய பதிவில்.

கோயிலின் எதிரே மரங்கள் இருந்தாலும் 

வெயில் தகித்துக் கொண்டிருந்தது..

மக்களுக்காக - தகரத் தகடுகளால் நிழல் அமைத்திருந்தனர்..

இது எந்த அளவுக்கு சரி என்று வழக்கம் போல புரியவில்லை..

ஐயன் அருள் உண்டு

என்றும் பயமில்லை..

 

ஓம் நம சிவாய 

சிவாய நம ஓம்

***