திருப்புகழ்

      

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

புரட்டாசி 12

 வெள்ளிக்கிழமை

இன்றைய 

திருப்புகழ்

தில தர்ப்பணபுரி

திலதைப்பதி

 இறைவன் 

ஸ்ரீ முத்தீஸ்வரர்

அம்பிகை 

ஸ்ரீ ஸ்வர்ணவல்லி

தலவிருட்சம் மந்தாரை

தீர்த்தம் சூரிய தீர்த்தம் அரசிலாறு

திருஞானசம்பந்தர் திருப்பதிகம் 

அருளிச்செய்த திருத்தலம்..

இந்தத் திருத்தலம் 

மயிலாடுதுறை - திருவாரூர் சாலையில், 

பூந்தோட்டம் என்ற ஊரில் இருந்து இரண்டு கிமீ., 

தொலைவில் அமைந்துள்ளது..

தனனத் தனனா ... தனதான

இறையத் தனையோ ... அதுதானும்

இலையிட் டுணலேய் ... தருகாலம்

அறையிற் பெரிதா .. . மலமாயை

அலையப் படுமா ... றினியாமோ..

மறையத் தனைமா ... சிறைச்சாலை

வழியுத் துயர்வா ... னுறுதேவர்

சிறையைத் தவிரா ... விடும்வேலா

திலதைப் பதிவாழ் .... பெருமாளே..

-: அருணகிரிநாதர் :-

நன்றி கௌமாரம்

 ஒருவருக்கு சிறிதளவாவது

உணவு இலையில்  இட்டபின்

உண்ணுதல் எனும் அறநெறி இன்றி

ஏய்த்துத் திரிந்திருந்த காலம்

அதைப் பற்றிச் சொல்வதானால் 

அந்த நெறியை விட்டிருந்த காலம்தான் 

மிகப் பெரியது.

மும்மல மாயையிலும் அலைந்து 

திரிந்த எனக்கு இத் தீயநெறி -  

இனியும் அமையுமோ..

 வேதம் கற்ற பிரம்மனை  

சிறைச்சாலைக்கு அனுப்பி

வைத்தவனே..

 (அசுரர்களால் அடைபட்ட)

தேவர்களின் சிறையை 

நீக்கி அருள் புரிந்த வேலவனே..

திலதைப்பதி என்னும்

திருத்தலத்தில் 

வாழ்கின்ற பெருமாளே..

**

 

முருகா முருகா

முருகா முருகா

ஓம் நம சிவாய 

சிவாய நம ஓம்

***