கரும்பு

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

சித்திரை 2 

   சனிக்கிழமை

நன்றி

படங்கள் : விக்கி

 

கரும்பு, சர்க்கரை, வெல்லம் இவற்றின் தாயகம் நமது நாடே..

அக்காரம் என்றால் வெல்லம். அடிசில் என்றால் சோறு.. இது நமது பாரம்பரியம்..

சென்ற பதிவில்  கரும்பும் சர்க்கரையும் நம்முடன் வேத காலத்தில் இருந்தே பின்னிப் பிணைந்திருக்கக் கண்டோம்..

விக்கியோ -

முற்காலத்தில் நியூகினியா எனும் நாட்டிலிருந்து தான் நம்நாட்டிற்குள் கரும்பு வந்தது என்கின்றது!.. 

இங்கிருந்த புத்த துறவிகள் கரும்பு சர்க்கரையை

சீனாவுக்குக் கொண்டு சென்றதாகவும்  சீனர்கள் பழுப்பு சர்க்கரையை வெள்ளையாக மாற்றி அனுப்பியதாகவும் வழிவழிச் செய்திகள்..  

வெள்ளையாய் உருமாறி வந்த சீனத்து சர்க்கரை என்னும் சொல் வழக்கே சீனி சர்க்கரை என்று பிரிந்து விட்டது.. - என்று எங்கள் தமிழாசிரியர் சொல்வார்..

அரபு நாடாகிய குவைத்தில் சில காலம் இருந்த போது அங்கே நம்மவர்களை இந்தி என்றும் சீனர்களை சீனி என்றும் குறிப்பிடுவதைக் கேட்டிருக்கின்றேன்..

அரபியில் ஷூகர் என்றே சொல்லப்படும் சர்க்கரைக்கு 

ஆங்கிலத்தில் என்ன பெயர் என்று எல்லாருக்கும் தெரியும்..

மேலை நாட்டவர் - தாம் கைப்பற்றிய நாட்டின் மக்களைத் தமது கரும்புத் தோட்டங்களில் அடிமைப் படுத்தியது உலக வரலாற்றில் இரத்தம் தோய்ந்த பக்கங்கள்..

சர்க்கரை எனும் நமது சொல் தான் இதற்கு வேர்ச்சொல்..

கரும்புச் சாற்றினைப் பக்குவமாக காய்ச்சி அந்தப் பாகினை பெரிய பலகையில் ஊற்றி திரட்டித் திரட்டி தயாரிக்கப்படுவது சர்க்கரை.. 

அச்சுகளில் ஊற்றி எடுக்கப்பட்டால் வெல்லம். பதமான சூட்டில் இருக்கும் பாகினை கைகளால் உருட்டைப் பிடித்தால் உருண்டை வெல்லம்..

பனையின் பதநீரில் இருந்து பெறப்பட்டதே

கரிய நிற கருப்பட்டி. பனங்கருப்பட்டி நமது மண்ணுக்கே உரியது..

பருவம் அடைந்த பெண்களுக்கு 

வெல்லத்துடன்  உளுந்தங்களி  செய்து கொடுப்பது வழக்கம் என்றால் உளுந்தங்களியில் கருப்பட்டி சேர்த்துக் கொடுப்பது தென் தமிழத்தில் வழக்கம்..

கார்போஹைட்ரேட்டும் இரும்புச் சத்தும் நிறைந்துள்ள கருப்பட்டி ரத்த சோகை ஏற்படுவதை தடுக்கின்றது..

வெல்லத்தில் இரும்புச் சத்து, சுக்ரோஸ், பிரக்டோஸ், மக்னீஷியம், பொட்டாசியம், மாங்கனீஸ் ஆகிய சத்துகள்

 நிறைந்துள்ளன. 

 

வெல்லத்தில் இரும்புச் சத்தும், கால்சியமும்  உள்ளதால் பெண்கள் குறிப்பிட்ட சில நாட்களில் சிறிதளவு வெல்லத்தைத் தின்பது மிகவும் நல்லது. 

சித்த மருத்துவத்தில் சில  மருந்துகளைத் தயாரிக்க இன்றும் வெல்லத்தைத் தான்  பயன்படுத்துகின்றார்கள்.

வெல்லத்தினால் உடலிற்கு கேடு ஒன்றும் இல்லை.

பண்டைய நாட்களில்

உணவு  உண்ட பிறகு ஒரு துண்டு வெல்லத்தைத்  தின்பது வழக்கம்.. ஏனெனில்.  ஜீரணத்தை சரி செய்கிற சக்தி வெல்லத்துக்கு உண்டு..

விருந்துகளில் வெல்லப் பாயசம் பரிமாறப்படுவது இதன் அடிப்படையில் தான்

பித்தம் குறைவதற்கு வெல்லத்தைப் பிரதானமாகக் கொண்ட பானகம் மிக மிகச் சிறந்தது.. 

கரும்பு வெல்லம் மற்றும் பனை வெல்லம் இவற்றில் இரும்புச் சத்தும் கால்சியமும் அதிகமாக உள்ளன. 

கரும்புச்சாறு சிறுநீரகங்களின் வேலையை சிறப்பாக்குகின்றது..

கருப்பஞ்சாற்றில் இருந்து சர்க்கரை தயாரிக்கும் போது, அதை வெண்மை ஆக்குவதற்காக சேர்க்கப்படும் ரசாயனங்களால் இயற்கை சர்க்க்ரையின் தன்மை கெடுக்கப்பட்டு  அழிக்கப்பட்டு ஆபத்தான நிலைக்கு ஆளாகின்றதே அன்றி 

வெல்லம் சர்க்கரை இவற்றால்  நேரடியான பாதிப்பு இல்லை என்பதே உண்மை...

எனினும், நீரிழிவு குறைபாடு உள்ளவர்கள் மருத்துவர்களின் அறிவுரைப்படியே வெல்லம் சர்க்கரை இவற்றைப் பயன்படுத்துதல் வேண்டும்..

நம்முடைய நலம்

நம்முடைய கையில்!..

***