ஐயாறு போற்றி

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று ஐப்பசி 22

செவ்வாய்க்கிழமை

 

தெற்கு வாசல் குங்கிலிய குண்டம்

கடந்த வியாழனன்று (3/11) எனது தந்தையின் நினைவு நாள்.. 

புஷ்ய மண்டபம் (பூச படித்துறை)

புனல் பரந்த காவிரி

தெற்கு கோபுர வாசலில்

சுந்தரருக்காக ஓலமிட்ட விநாயகர் மற்றும் சிவாம்சம் பெற்றுத் திகழும் துவார பாலகர்

ஸ்ரீ ஆட்கொண்டார்

தரிசனம்.. 

அந்த காலைப் பொழுதில் அப்பர் ஸ்வாமிகள் தரிசனம் கண்ட தென் கயிலாயத்தில் திருமுழுக்கு ஆகிக் கொண்டிருந்தது.. 

சற்றே வட மேற்கான சந்நிதி..  

சிவலிங்கத்திற்குப் பின்னால் - காட்சி கொடுத்த நாயகர் 

கல்யாண திருக் கோலத்தில் அம்மையும் அப்பனும்.. கண் நிறைந்த தரிசனம்..  அப்படியே திருச்சுற்றில் நடந்தால் வட கயிலாயம்..

ராஜராஜ சோழனின் பட்டத்தரசி லோகமாதேவியார் எழுப்பிய கற்றளி.. அங்கே திருமுறைப் பண்ணிசை நடந்து கொண்டிருந்தது..

அன்றைக்கு ஐப்பசி சதயம்.. அங்கேயும் தரிசனம் செய்து விட்டு மூலஸ்தான தரிசனம்.. 

சீரார் திரு ஐயாறன் சேவடிகளைப் போற்றி வணங்கி வலம் செய்தோம்.. 

தனிக்கோயிலாக விளங்கும் காமகோட்டத்தில் ஸ்ரீ அறம் வளர்த்த நாயகி.. அன்னையின் அருள் முகம் கண்டு வணங்கி தண்டனிட்டோம்..

பஞ்சநதம் எனப்படும் திருக்கோயிலின் திருச்சுற்றுகளில் எடுக்கப்பட்ட படங்கள் இன்றைய பதிவில்..

திரு ஐயாறு

இறைவன் ஸ்ரீசெம்பொற் சோதி

அம்பிகை

ஸ்ரீ அற்ம் வளர்த்த நாயகி

தென்கயிலாயம்

உலகமாதேவியார்

ஸ்ரீ ராஜராஜசோழர்

பூதங்கள் பலவும் வைத்தார் பொங்குவெண் ணீறும் வைத்தார்

கீதங்கள் பாட வைத்தார் கின்னரந் தன்னை வைத்தார்

பாதங்கள் பரவ வைத்தார் பத்தர்கள் பணிய வைத்தார்

ஆதியும் அந்தம் வைத்தார் ஐயன் ஐயாற னாரே.. 4/38/9

-: திருநாவுக்கரசர் :-

ஓம் நம சிவாய சிவாய நம ஓம்

***