கார்த்திகை தரிசனம்

இன்று கார்த்திகைத் திங்களின் நான்காவது திங்கள்..

இன்றைய பதிவில் காசியம்பதிக்கு நிகரான
திரு ஐயாறு தரிசனம்..

திருத்தலம்

திரு ஐயாறு

இறைவன் - ஸ்ரீ ஐயாறப்பர்,  பஞ்சநதீஸ்வரர்,

அம்பிகை - ஸ்ரீ அறம் வளர்த்த நாயகி

தல விருட்சம் - வில்வம்

தீர்த்தம் - காவிரி..

கங்கையைச் சடையுள் வைத்தார் கதிர்ப்பொறி அரவும் வைத்தார்

திங்களைத் திகழ வைத்தார் திசை திசை தொழவும் வைத்தார்

மங்கையைப் பாகம் வைத்தார் மான்மறி மழுவும் வைத்தார்

அங்கையில் அனலும் வைத்தார் ஐயன் ஐயாறனாரே..4/38

உடைதரு கீளும் வைத்தார் உலகங்கள் அனைத்தும் வைத்தார்

படைதரும் மழுவும் வைத்தார் பாய்புலித் தோலும் வைத்தார்

விடைதரு கொடியும் வைத்தார் வெண்புரி நூலும் வைத்தார்

அடைதர அருளும் வைத்தார் ஐயன் ஐயாறனாரே..

வானவர் வணங்க வைத்தார் வல்வினை மாய வைத்தார்

கானிடை நடமும் வைத்தார் காமனைக் கனலா வைத்தார்

ஆனிடை ஐந்தும் வைத்தார் ஆட்டுவார்க்கு அருளும் வைத்தார்

ஆனையின் உரிவை வைத்தார் ஐயன் ஐயாறனாரே..

பத்தர்கட்டு அருளும் வைத்தார் பாய்விடை ஏறவைத்தார்
சித்தத்தை ஒன்ற வைத்தார் சிவமதே நினைய வைத்தார்
முத்தியை முற்ற வைத்தார் முறைமுறை நெறிகள் வைத்தார்
அத்தியின் உரிவை வைத்தார் ஐயன் ஐயாறனாரே..

இரப்பவர்க்கு ஈய வைத்தார் ஈபவர்க்கு அருளும் வைத்தார்
கரப்பவர் தங்கட்கு எல்லாம் கடுநரகங்கள் வைத்தார்
பரப்புநீர் கங்கை தன்னைப் படர்சடைப் பாகம் வைத்தார்
அரக்கனுக்கு அருளும் வைத்தார் ஐயன் ஐயாறனாரே!..

ஓம் நம சிவாய சிவாய நம ஓம்..
ஃஃஃ