தஞ்சையம்பதி: கலை விருந்து 8

புதன், ஜூன் 19, 2019

கலை விருந்து 8

இன்றல்ல... நேற்றல்ல..

நாற்பது ஆண்டுகளுக்கு முன்பிருந்தே பெரிய கோயிலைப் பற்றிய
பல்வேறு விமர்சனங்களைக் கேட்டிருக்கிறேன்... படித்திருக்கிறேன்...

எங்கள் ஆசிரியர் ஒருவரே -
சகித்துக் கொள்ள முடியாத வித்தியாசமான கருத்துக்களைச் சொல்வார்...

இன்னும் பலர் -
இந்தக் கோயிலுக்குப் போனால்
ஆன்மீக உணர்வு வருவதில்லை..
சுற்றுலா வந்த உணர்வு தான் மேலிடுகிறது.. - என்பார்கள்...

அதையெல்லாம் கடந்து ஒவ்வொரு சமயமும்
புதுமையாகக் காட்சி தருகின்றது - என்பது நிதர்சனம்...

இன்றைய பதிவிலும் சில படங்கள் தங்களுக்காக...

முந்தைய பதிவுகள்...

கலை விருந்து 1 கலை விருந்து 2

கலை விருந்து 3 கலை விருந்து 4

கலை விருந்து 5 கலை விருந்து 6
கலை விருந்து 7

ஸ்ரீ சித்தர் கருவூரார்

கருவூரார் சந்நிதிக்குப் பின்புறமுள்ள மரத்தில் நேர்ச்சை முடிச்சுகள்

வடக்குக் கோட்டத்தில் வைரவரும் துர்காம்பிகையும்

பூதகணம் தாங்கும் பிரம்மாண்டமான கோமுகம்

ஸ்ரீ சுப்ரமண்யர் கோட்டமும் சண்டேஸ்வரர் கோயிலும்

ஸ்ரீ சண்டிகேஸ்வரர்

ஸ்ரீ துர்கை (சுப்ரமண்யர் கோட்டத்தின் வடபுறம்)

மேலே கண்டுள்ள படம்

ஸ்ரீ முருகன் சந்நிதிக்கு வடபுற கோட்டத்திலுள்ள ஸ்ரீ துர்கை..

எவ்வித அபிஷேகமும் அலங்காரமும் செய்யப்படுவதில்லை..

என்ன காரணம் என்பதுவும் தெரியவில்லை...

ஆனாலும் விஷேச நாட்களில்

பக்தர்கள் தாங்களாகவே மாலைகளையும் மலர்ச்சரங்களையும்

அணிவித்து விளக்கேற்றி வைக்கின்றனர் என்பது குறிப்பிடத்தக்கது...

ஸ்ரீ துர்காம்பிகையின் சிற்பத்துக்குக் கீழ்

அம்பிகையின் பராக்கிரமத்தைக் காட்டுகின்ற புடைப்புச் சிற்பம்

கண்ணையும் கருத்தையும் கவர்கின்றது...

சண்ட முண்ட வதம்

மேலும் படங்களைக் கொண்ட Drive ஒன்று எங்கோ மறைவாக

சிக்கிக் கொண்டது...

அது எப்போது கையில் கிடைக்குமோ தெரியவில்லை...

தஞ்சை ஸ்ரீ தியாகேசரும் அல்லியங்கோதை அம்பிகையும்

தஞ்சை மாநகரில் பிறந்து வளர்ந்த எனக்கு

பெரிய கோயிலைப் பற்றிச் சிந்திப்பதும் பேசுவதும் எழுதுவதும்

என்றென்றும் இனிமையானவை....

எத்தனை எத்தனை ஜென்மங்கள் ஆனாலும்

இந்த நினைவுகள் என்னை விட்டுப் போகக் கூடாது..

- என்று வேண்டிக் கொண்டிருக்கின்றேன்...

ஸ்ரீ ராஜராஜ சோழனும் உலகமாதேவியும்

அந்த பிரார்த்தனைகளுடன் -

அடுத்து வரும் பதிவுகளில்

வேறு ஒரு திருக்கோயிலைத் தரிசிப்போம்..

***

கரும்பினும் இனியான் தன்னைக் காய்கதிர்ச் சோதியானை

இருங்கடல் அமுதந்தன்னை இறப்பொடு பிறப்பிலானைப்

பெரும்பொருட் கிளவியானைப் பெருந்தவ முனிவர் ஏத்தும்

அரும்பொனை நினைந்த நெஞ்சம் அழகிதா நினைந்தவாறே...(4/74)

-: அப்பர் பெருமான் :-

ஓம் நம சிவாய சிவாய நம ஓம்

ஃஃஃ

23 கருத்துகள்:

ஸ்ரீராம்.19 ஜூன், 2019 06:07
குட்மார்னிங்.

// எங்கள் ஆசிரியர் ஒருவரே- சகித்துக்கொள்ள முடியாத வித்தியாசமான க்கருத்துகளைச் சொல்வார் //

ஹிஹிஹிஹிஹிஹி... நாங்கள் அப்படி ஒன்றும் சொல்லவில்லையே...
பதிலளிநீக்கு
பதில்கள்
ஸ்ரீராம்.19 ஜூன், 2019 06:08
எல்லாப் படங்களும் அருமை. தஞ்சைப் பெரிய கோவில் நிதானமாகப் பார்த்து நாற்பது வருடங்களுக்கும் மேலாகிறது. 2014 இல் ஒருமுறை வேகமாகச் சுற்றி வந்ததோடு சரி... மறுபடியொரு பயணம் செல்லவேண்டும்.
பதிலளிநீக்கு
பதில்கள்
கோமதி அரசு19 ஜூன், 2019 06:52
மிக அருமையாக தரிசனம் செய்து வைத்தீர்கள்.
ஸ்ரீதியாகேசரும், அல்லியம்கோதையும் எல்லோருக்கும் நல்லது செய்ய வேண்டும். மழை பெய்ய அருள வேண்டும். பசுமையும், வளமும் மீண்டும் எங்கும் காண அருள்புரிய வேண்டும்.
பதிலளிநீக்கு
பதில்கள்
KILLERGEE Devakottai19 ஜூன், 2019 08:27
அற்புதமான காட்சிகள் ஜி நல்ல தரிசனம்.
பதிலளிநீக்கு
பதில்கள்
நெல்லைத்தமிழன்19 ஜூன், 2019 09:01
படங்கள் அருமையாக இருக்கு.

சார்...கோவிலின் வெளிப்புறத்தில் உள்ளவைகள் சிற்பங்கள் என்ற அளவில்தான் பார்க்கணும். அதற்கு அலங்காரம், வழிபாடுகள் கிடையாது. அதனால்தான் துர்க்கைக்கு அலங்காரமோ இல்லை வழிபாடுகளோ இல்லை. ஆனால் இந்த முறையை பல கோவில்களில் மாற்றிவிட்டார்கள் (அதற்கு பக்தர்கள்தாம் காரணமாக இருக்கணும். இதுல சைவ, வைணவ கோவில்கள் வித்தியாசம் இல்லை).

தூண்களில் இருக்கும் உருவங்கள், சுற்றுப்பிரகாரங்களின் சுவர்களில் உள்ள சிற்பங்கள் (சிலவற்றைத் தவிர..அதாவது திசைக்கு ஒன்றாக நிறுவப்பட்டவை என நினைக்கிறேன்) வழிபாட்டுக்குரியவை அல்ல.

தஞ்சைப் பகுதியிலயே, நிறைய கோவில்களில் இந்த மாதிரி உள்ள துர்க்கை சிலைக்கு எண்ணெய் பூசி, உடை அணிவித்து அதனை சுவற்றை ஒட்டி ஒரு சன்னிதியாக ஆக்கிவிட்டிருக்கிறார்கள் (உதாரணப் படங்கள் வைத்திருக்கிறேன்). இதுபோல வைணவக் கோவில்களில் அனுமார், நரசிம்ஹர், கண்ணன் சிற்பங்களுக்கு குங்குமம் பூசி வழிபடுவதுபோல் வைத்திருக்கிறார்கள். அவை முறையானவை இல்லை என்பது என் அபிப்ராயம்.

முனைவர் ஜம்புலிங்கம் சார் இன்னும் நிறைய கவனித்திருப்பார். அவர் இதனைப் பற்றிச் சொல்லுவார்னு நினைக்கிறேன்.
பதிலளிநீக்கு
பதில்கள்
வல்லிசிம்ஹன்19 ஜூன், 2019 19:44
கோவில் படங்கள் மீண்டும் அதன் பிரம்மாண்டத்தை வலியுறுத்துகின்றன.
துர்கை அம்மா,அலங்காரம் இல்லாமல் இருப்பது மனதுக்கு ரசமாக இல்லை.

கோவிலொழுகு தெரியாத போது இந்த நிலை பற்றிச் சொல்ல்வும் முடியவில்லை.
தஞ்சை மீண்டும் அதிக வளம் பெற வேண்டும்.

பழம் பெரும் பெருமைகள் மீட்கப் படவேண்டும்.
அந்தப் பெருவுடையாரே வழிகாட்ட வேண்டும்.
நன்றி துரை மா.
பதிலளிநீக்கு
பதில்கள்
Geetha Sambasivam20 ஜூன், 2019 12:21
தற்சமயம் தஞ்சைக்கோயிலில் வழிபாடுகள் நடைபெற்று வருகின்றன என்றே அறிகிறேன். சில காலங்கள் நடுவில் இல்லை. அதன் காரணம் ஆகமம் எனக் கேள்விப் பட்டிருக்கிறேன். பெருவுடையாரும் அந்த கோபுரமும் மகுடாகம முறைப்படியானது என்றும் அம்முறையில் வழிபாடு செய்யத் தெரிந்தவர் யாரும் இப்போது இல்லை எனவும் சொல்லிக் கேட்ட நினைவு! இதில் கோபுரத்தை அமைத்த பின்னர் பெருவுடையார் உள்ளே போனாரா, அல்லது பெருவுடையார் போன பின்னர் கோபுரம் எழுப்பப்பட்டதா என்றெல்லாம் கருத்து வேறுபாடுகள் உண்டு. ஒரு காலத்தில் மிகவும் மும்முரமாகக் குழுமங்களில் விவாதிக்கப்பட்டது!
பதிலளிநீக்கு
பதில்கள்
Geetha Sambasivam20 ஜூன், 2019 12:22
படங்கள் அனைத்தும் அழகு பொக்கிஷங்கள்! துர்கை எளிமையாகக் காட்சி கொடுக்கிறாள். மானசிக வழிபாடு செய்யலாமே! மற்றபடி அலங்காரங்கள், வழிபாடுகள் செய்கிறேன் என்றெல்லாம் சொல்லிக் கொண்டு சிலையின் உண்மையான அழகை மறைக்காமல் இருக்கிறார்களே, அதுக்கே நன்றி சொல்லணும்.
பதிலளிநீக்கு
பதில்கள்
Dr B Jambulingam, Assistant Registrar (Retd), Tamil University20 ஜூன், 2019 18:54
தொடர்ந்து ரசித்து வருகிறேன்.
பதிலளிநீக்கு
பதில்கள்
Anuprem21 ஜூன், 2019 12:34
மிக மகிழ்ச்சி ..

தெரிந்த கோவில் பார்த்த இடம் என்றாலும், தெரியாத செய்திகளும் தகவல்களும் அதிகம் என இங்கு வாசிக்கும் போது கண்டுகொண்டேன் ...

அத்தகவல்களை அறிய கொடுத்தமைக்கு நன்றிகள் பல..
பதிலளிநீக்கு
பதில்கள்

கருத்துரையைச் சேர்

கருத்துகள் Gmail பயனர்களுக்கு மட்டும்..