சித்திரைத் திருவிழா 2

மாமதுரைத் திருவிழாவின் திருக்காட்சிகள்
அம்மையப்பனின் திருவருளால்

தொடர்கின்றன!..

பல்வேறு சிரமங்களையும் பொருட்படுத்தாமல்

காட்சிகளை வலையேற்றும் 

நண்பர்களுக்கு நெஞ்சார்ந்த நன்றி..
***

மூன்றாம் திருநாள் (10/4/2019)
காலை
தங்கச் சப்பரம்

 மூன்றாம் (10/4) திருநாள்
மாலை

கயிலாய வாகனம் - காமதேனு வாகனம்..

நீற்று மேனியர் ஆயினர் மேலுற்ற

காற்றுக் கொள்ளவும் நில்லா வமணரைத்

தேற்றி வாதுசெயத் திரு உள்ளமே

ஆற்ற வாள் அரக்கற்கும் அருளினாய்..

ஞால நின்புகழேமிக வேண்டுந்தென்

ஆலவாயில் உறையும் எம் ஆதியே..(3/108)

-: திருஞான சம்பந்தர் :-  

***

நான்காம் (11/4) திருநாள்
தங்கப் பல்லக்கு 
 வில்லாபுரம் பாவைக்காய் மண்டபத்திற்கு
எழுந்தருளி  - மாலை திரும்புதல்..

 

செய்ய நின் கமல பாதஞ் சேருமா தேவர் தேவே

மையணி கண்டத்தானே மான்மறி மழுவொன் றேந்தும்

சைவனே சால ஞானங் கற்றறி விலாத நாயேன்

ஐயனே ஆலவாயில் அப்பனே அருள் செயாயே.. (4/62)

-: திருநாவுக்கரசர் :-

நீர்த்திரளை நீள்சடைமேல் நிறைவித்தானை

நிலமருவி நீரோடக் கண்டான் தன்னைப்

பாற்றிரளைப் பயின்றாட வல்லான் தன்னைப்

பகைத்தெழுந்த வெங்கூற்றைப் பாய்ந்தான் தன்னைக்

காற்றிரளாய் மேகத்தின் உள்ளே நின்று

கடுங்குரலாய் இடிப்பானை கண்ணோர் நெற்றித்

தீத்திரளைத் தென் கூடல் திருஆலவாய்ச்

சிவனடியே சிந்திக்கப் பெற்றேன் நானே... (6/19)

-: திருநாவுக்கரசர் :-

ஆடக மதுரைக்கு அரசே போற்றி

அங்கயற் கண் அம்பிகையே போற்றி.. போற்றி.. 

ஃஃஃ