கண்ணீர் அஞ்சலி

லட்சோப லட்சம் மக்களின் 

கண்ணீரையும் பொருட்படுத்தவில்லை..
கதறலையும் பொருட்படுத்தவில்லை..

கடைசியில் காலன் வென்று விட்டான்..

வந்த காரியம் முடித்து சென்று விட்டான்..

***

22 பிப்ரவரி 1948 - 5 டிசம்பர் 2016

காலன் தான் அழைத்தான் எனில் -

தங்களுக்கு எப்படி மனம் வந்தது?..

போதும்.. போதும்!.. - என்று புறப்பட்டு விட்டீர்களோ?...

எல்லா உயிர்களுக்கும் இதுதான் நியதி என்றாலும் 

ஏழை மனம் பொறுக்குதில்லையே!..

ஏன் சென்றீர்கள்.. எங்கு சென்றீர்கள்?..

கண்ணீருக்கும் விடை கிடைக்கவில்லையே!..

தாயுள்ளம்

தண்தமிழும் மனம் கசிந்து தேடுகின்றதே..

தங்கமகள் தனைப் பிரிந்து வாடுகின்றதே!..

மண்ணினின்று மறைந்தாலும்

மனதிலென்றும் மறப்பதில்லை!..

காற்றிலின்று கலந்தாலும்

கருத்தினின்று பிரிவதில்லை!..

வளம்கூடும் தமிழ்மண்ணில்

வாழ்ந்திருக்கும் திருப்பெயர்!..

காவிரியாய் இளங்காற்றாய்

கலந்திருக்கும் திருப்பெயர்!..

காவேரி தந்த எங்கள் கலைச்செல்வியே.. 

காவிரியில் நீரோடும் நின்பேர் சொல்லியே!..

வாழ்க நின் பெயர்..

வாழ்க என்றென்றும்!..

***