சுட்டும் விழிச்சுடர்

11 டிசம்பர் 1882 - 11 செப்டம்பர் 1921

சுட்டும் விழிச்சுடர் தான் - கண்ணம்மா

சூரிய சந்திரரோ..

வட்டக் கரியவிழி - கண்ணம்மா

வானக் கருமை கொல்லோ?..

பட்டுக் கருநீலப் புடவை

பதித்த நல்வயிரம்..

நட்டநடு நிசியில் தெரியும்

நட்சத்தி ரங்களடி!..

சோலைமலர் ஒளியோ - உனது

சுந்தரப் புன்னகை தான்..

நீலக் கடலலையே - உனது

நெஞ்சில் அலைகளடி!..

கோலக் குயிலோசை - உனது

குரல் இனிமை யடி..

வாலைக் குமரியடி - கண்ணம்மா

மருவக் காதல் கொண்டேன்!..

ஓவியம் - Rajeshwar Nyalapalli

சாத்திரம் பேசுகின்றாய் - கண்ணம்மா

சாத்திரம் ஏதுக்கடி..

ஆத்திரங் கொண்டவர்க்கே - கண்ணம்மா

சாத்திரம் உண்டோடி?..

மூத்தவர் சம்மதியில் - வதுவை

முறைகள் பின்பு செய்வோம்..

காத்திருப் பேனோடி - இதுபார்

கன்னத்து முத்தம் ஒன்று!..

ஓவியம் - Rajeshwar Nyalapalli

இன்று மகாகவியின் நினைவு நாள்..

சுட்டும் சுடர்களாகிய சூரியனும் சந்திரனும், 

வட்டக் கரிய விழியெனும் வானத்துக் கருமையும்

நட்ட நடுநிசியின் நட்சத்திரக் கூட்டங்களும்

எம் நினைவில் பாரதி.. பாரதி!.. - என்றே

தோற்றுவிக்கின்றன..

புதிது புதிதாய் தமிழில் 

பயிற்றுவிக்கின்றன..

ஓவியம் - Rajeshwar Nyalapalli

வாலைக் குமரியென வாழும் தமிழுடன்

பாரதியின் பெயரும் என்றும் நிலைத்திருக்கும்!..

வாழ்க பாரதி.. வாழ்க பாரதி!.. 

***