என்றும் நினைவில்..

ஜூலை 2002 ல்
டாக்டர் APJ அப்துல் கலாம் அவர்கள்
பாரதத் திருநாட்டின் குடியரசுத் தலைவராகப் பொறுப்பேற்றபோது -

குடியரசுத் தலைவரின் மாளிகைக்கு எடுத்து வந்த பொருட்களை விட - 

ஜூலை 2007 ல்
பதவிக் காலம் முடிந்தது -
குடியரசுத் தலைவரின் மாளிகையிலிருந்து
திரும்பியபோது எடுத்துச் சென்ற பொருட்கள் குறைவு.. 

15 அக்டோபர் 1931.,  27 ஜூலை 2015..

அப்துல் கலாம் அவர்கள் குடியரசுத் தலைவராக இருந்த சமயத்தில் ராமேஸ்வரத்திலிருந்து உற்றார் உறவினர்கள் புறப்பட்டு வந்தனர் - டெல்லிக்கு..

அவர்கள் டெல்லியைச் சுற்றிப் பார்ப்பதற்கு 

அரசு வாகனங்கள் எதையும் பயன்படுத்தாமல்

தனது சொந்த செலவில் பேருந்து ஒன்றினை ஏற்பாடு செய்தார்..

ஜனாதிபதி மாளிகையில் -

அவர்களுக்கான சாப்பாடுச் செலவையும் 

தனது கைப் பணத்திலிருந்து -  அரசுக்கு செலுத்தியவர் - 

அப்துல் கலாம்!..

இது பாரதத் திருநாட்டின் வரலாற்றில் இல்லாத புதுமை!..

நிலவரை நீள்புகழ் ஆற்றின் புலவரைப்

போற்றாது புத்தேள் உலகு.. (234)

நிலவுலகில் நெடுங்காலம் நிற்கவல்லதாக 

புகழ் மிக்க செயலைச் செய்தால் 

அவ்வாறு செய்தவரைத் தான் 

வானுலகம் போற்றிப் புகழும்..
***

இன்று முதலாண்டு அஞ்சலி..

வையம் உள்ளளவும் பேர் வாழ்க..
***