கண்ணன் வந்தான்

அழைத்தவர் குரலுக்கு வருவேன் என்றான் 

கீதையிலே கண்ணன்!..

பார்ப்பவர் கண்ணுக்குத் தெரிவேன் என்றான்

பாரதத்தில் கண்ணன்!..

 

 

சிறையினிலே தான் அவன் பிறந்தான் 

மழையினில் வேறு மனை புகுந்தான் 

உறவறியாத குழந்தைக்கெல்லாம் 

உறவினனாக அவன் வருவான்!..

 

  

தேடி நின்ற கண்களிலே கண்ணன் வந்தான்

தீபம் ஒன்று கையில் கொண்டு கண்ணன் வந்தான்

 

கேட்டவர்க்கு கேட்டபடி கண்ணன் வந்தான்

கேள்வியிலே பதிலாக கண்ணன் வந்தான்

அடையாத கதவிருக்கும் சந்நிதானம்!..

அன்பென்னும் சொல்லிருக்கும் சந்நிதானம்!..

சந்நிதானம்!..

கண்ணன் சந்நிதானம்!..

எங்கிருந்தோ வந்தான்.. 

இடைச்சாதி நான் என்றான்!..

 

 

இங்கிவனை யான் பெறவே 

என்ன தவம் செய்து விட்டேன்!..

கண்ணன்.. எங்கிருந்தோ வந்தான்!..

பற்று மிகுந்து வரப் பார்க்கின்றேன் - கண்ணனால் 

பெற்று வரும் நன்மையெல்லாம் பேசி முடியாது!..

நண்பனாய்.. மந்திரியாய்.. நல்லாசிரியனுமாய்

பண்பிலே தெய்வமாய்.. பார்வையிலே சேவகனாய்..

கண்ணன்!..

எங்கிருந்தோ வந்தான் 

இடைச்சாதி நான் என்றான்

இங்கிவனை யான் பெறவே 

என்ன தவம் செய்து விட்டேன்!..

சர்வம் ஸ்ரீ கிருஷ்ணார்ப்பணம்!..