வெள்ளி

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

சித்திரை 19

வெள்ளிக்கிழமை

மகர வார் குழை மேல் அடர்ந்து குமிழ் மீதினில் மறைந்து

வாளைத் துறந்து, மைக் கயலை வென்ற நின் செங்கமல

விழி அருள் வரம் பெற்ற பேர்கள் அன்றோ

செகமுழுதும் ஒற்றைத் தனிக் குடை கவித்து,

மேல் சிங்காதனத்தில் உற்றுச் செங்கோலும்,

மனு நீதி முறைமையும் பெற்று, மிகு திகிரி உலகாண்டு பின்

புகர் முகத்து ஐராவதப் பாகர் ஆகி நிறை புத்தேளிர்

வந்து போற்றிப் போக தேவேந்திரன் எனப் புகழ

விண்ணில் புலோமிசையொடும் சுகிப்பர்

அகர முதல் ஆகி வளர் ஆனந்த ரூபியே

ஆதி கடவூரின் வாழ்வே

அமுதீசர் ஒரு பாகம் அகலாத சுகபாணி

அருள் வாமி அபிராமியே!..

வாச மலர் மரு அளக பாரமும் தண் கிரண மதி முகமும்

அயில் விழிகளும் வள்ள நிகர் முலையும் மான் நடையும்

நகை மொழிகளும் வளமுடன் கண்டு மின்னார்

பாச பந்தத்திடை மனம் கலங்கித் தினம் பல வழியும்

எண்ணி எண்ணிப் பழி பாவம் இன்ன தென்று அறியாமல்

மாயப் ப்ரபஞ்ச வாழ்வு உண்மை என்றே

ஆசை மேலிட்டு வீணாக, நாய் போலத் திரிந்து அலைவ

தல்லாமல் உன்றன் அம்புயப் போதெனும் செம் பதம்

துதியாத அசடன் மேல் கருணை வருமோ

மாசிலாது ஓங்கிய குணாகரி பவானி சீர் வளர் திருக்

கடவூரில் வாழ் வாமி சுப நேமி புகழ் நாமி சிவ

சாமிமகிழ் வாமி அபிராமி உமையே!..

அபிராமி திருப்பதிகம்

மனிதரும் தேவரும் மாயா முனிவரும் வந்து சென்னி

குனிதரும் சேவடிக் கோமளமே கொன்றை வார் சடைமேல்

பனிதரும் திங்களும் பாம்பும் பகீரதியும் படைத்த

புனிதரும் நீயும் என் புந்தி எந்நாளும் பொருந்துகவே.. 4

அபிராமிபட்டர்

ஓம் நம சிவாய

சிவாய நம ஓம்

**